Samgöngur innan svæðis

Fjöldinn allur er af bílaleigum um allt land. Sumar eru hluti af alþjóðlegum keðjum, aðrar í einkaeigu. Það getur verið mismikill verð- og gæðamunur á milli bílaleiga og því æskilegt að skoða vel alla valmöguleika.

Nokkrar ferjur ganga milli lands og þeirra eyja sem eru við Ísland. Einnig hefur alþjóðlega ferjan Norræna viðdvöl á Íslandi, en hún leggur að á Seyðisfirði.

Rútur ganga um allt landið. Sumar leiðir er ekið allan ársins hring, en aðrar eru aðeins opnar yfir sumartímann. Hægt er að nálgast kort sem sýna allar rútu- og strætisvagnaferðir um  landið, meðal annars á upplýsingamiðstöðvum ferðamála.

Strætisvagnar ganga daglega um allt höfuðborgarsvæðið og þeir eru einnig með áætlunarakstur út á land. Hægt er að kaupa sérstaka miða til að nota í strætisvagnana eða kort í mismunandi verðflokkum, sem henta fólki sem notar strætisvagnana mikið.

Almenningssamgöngur á Suðurlandi

Á Íslandi eru nokkur flugfélög sem sinna bæði alþjóðlegu flugi og innanlandsflugi. Hægt er að bóka flug á heimasíðum þeirra eða í gegnum síma.

Hægt er að nálgast leigubíla í þéttbýli á flestum stöðum landsins. Þeir eru allir með mæli og rukka bæði fast upphafsgjald og mínútugjald sem leggst þar ofan á.