Matur og drykkur

Urmull veitingastaða er um allt land í öllum verð- og gæðaflokkum og því af nógu að taka fyrir alla. Hvort sem fólk hefur áhuga á heilsufæði eða einhverju minna heilsusamlegu, erlendri eða innlendri matargerð, ætti að vera hægur leikur að finna eitthvað gómsæti.

Þau finnast um allt land. Mörg þeirra í höfuðborginni og stærri þéttbýliskjörnum en sum má finna á ólíklegustu stöðum til dæmis í  bragga úti í móa eða í skúr niðri við sjó. Verð og úrval er afar mismunandi.

Margir smærri matsölustaðir bjóða upp á smurt brauð, súpur eða íslenskan heimilismat. Frábær kostur fyrir þá sem kjósa óformlega og heimilislega veitingastaði.

Í flestum þéttbýliskjörnum eru krár og á stærri stöðum eru þær margar. Í mörgum stórum byggðarlögum eru einnig skemmtistaðir eða klúbbar af ýmsum gerðum og gæðum. Þeir sem hafa gaman að slíku ættu að geta fundið eitthvað við sitt hæfi.

Sumir veitingastaðir eru með heimsendingarþónustu eða bjóða viðskiptavinum upp á að sækja matinn.