Tækifæri á Indlandsmarkaði

Fulltrúar Markaðsstofu Suðurlands sátu í síðustu viku fund á vegum Íslandsstofu þar sem fjallað var um indverska ferðaþjónustumarkaðinn. Á fundinum var rætt um indverska ferðamenn, ferðavenjur, og tækifæri sem felast í komu þeirra til Íslands. T. Armstrong Changsan, sendiherra Indlands á Íslandi ávarpaði gesti fundarins. Auk hans héldu Sara Grady og Deepika Sachdev erindi um indverska ferðaþjónustumarkaðinn. 

Sara Grady, forstöðumaður ferðamála hjá GlobalData í London ræddi um strauma og stefnur í ferðavenjum Indverja. Ferðalög frá Indlandi árið 2017 hafi verið 23 milljónir og búast má við að þessi talal verði komin upp í 30 milljónir árið 2020. Samkvæmt GlobalData eru Indverjar mjög heillaðir af snjó og vetrarferðamennsku.  Hér má finna kynningu Söru Gardy 

Deepika Sachdev, menningar- og ferðamálafulltrúi hjá sendiráði Íslands í Nýju-Delí talaði um stækkandi millistétt Indlands telur um 55 milljónir. Töluverð aukning er í alþjóðlegum ferðalögum á meðal Indverja og þar koma sterkar inn MICE ferðir (hvataferðir) og lúxusferðir af ýmsum toga. Einnig eru brúðkaupsferðir mjög vinsælar og þær að jafnaði farnar á tímabilinu, nóvember til febrúar. Það býður upp á tækifæri utan háannar. Hér má finna kynningu Deepika Sachdev 

Bæði Sara og Deepika töluðu báðar um góð áhrif Bollywood á Indlandi. Bollywood myndir og leikara væru mjög miklir áhrifavaldar á Indlandi. Þetta sýndi og sannaði sig þegar indverska tónlistarmyndbandið við kvikmyndina Dilwale var tekið upp á Suðulandi árið 2015. 237 milljónir hafa horft á myndbandið á Youtube og kom Íslandi á kortið hjá Indverjum.

Hér má sjá nánar um fund Íslandsstofu

Samkvæmt tölum Hagstofu Íslands hefur fjölgun ferðamanna frá Indlandi verið að meðaltali 20% frá Júní 2017, eða þegar Hagstofa Íslands byrjaði að skrá komu Indverja.