Glæsileg uppbygging við Geysi
Glæsileg uppbygging á sér nú stað við Geysi í Haukadal, en þar hefur nú verið lokið við fyrsta áfanga af þremur við uppbyggingu innviða á svæðinu.
17.10.2024
Nýr útsýnispallur við Geysissvæðið
Framkvæmdin í heild sinni felst í því að móta glæsilega hringleið um svæðið, og var með þessum fyrsta áfanga opnað inn á svæði sem hefur hingað til ekki verið aðgengilegt á hverasvæðinu.
Í næstu áföngum verður gönguhringnum lokað og byggt upp aðkomutorg að Geysi þar sem allir gestir munu hefja heimsókn sína á svæðið. Er framkvæmdinni ætlað að bæta bæði upplifun og öryggi á svæðinu. Einnig hlífir hún náttúrunni við ágangi gesta, en í dag Geysir í Haukadal er einn af fjölförnustu áfangastöðunum á Suðurlandi með áætlaðan gestafjölda upp á 1,5 milljónir árið 2024.
Markaðsstofa Suðurlands óskar Umhverfisstofnun innilega til hamingju með áfangann.
Myndir fengnar af vef Umhverfisstofnunar.