Fréttir

Í framhaldi af reglugerð um samkomutakmarkanir, hafa verið gefnar út uppfærðar leiðbeiningar til rekstraraðila. Annars vegar tjaldsvæða- og hjólhýsasvæða og hins vegar fyrir veitingastaði, kaffihús, krár og bari.

Sóttvarnalæknir hefur gefið út að starfsmenn / íbúar af erlendum uppruna sem dvelja hér á landi í lengri eða skemmri tíma eru velkomnir í bólusetningu þegar þeir hafa verið skráðir.

Laugardaginn 12. Júní síðast liðinn var nýjasta ferðaleið Suðurlands, Vitaleiðin, formlega opnuð við hátíðlega athöfn við Stað á Eyrarbakka. Þetta var þriðja tilraun til þess að opna Vitaleiðina en upphaflega var áætlað að opna hana á árinu 2020 en heimsfaraldurinn setti strik í reikninginn líkt og með margt annað. Loksins gafst rými til að hóa saman fólki, klippa á borða og opna Vitaleiðina formlega.

Síðan 2019 hafa Markaðsstofa Suðurlands og sveitarfélögin Ölfus og Árborg unnið að ferðaleiðinni Vitaleiðin. Áætlað var að opna hana formlega í fyrra en vegna fjöldatakmarkana náðist það ekki. Nú hefur skapast rými til að geta haldið formlega opnun og verður hún við Stað á Eyrarbakka laugardaginn 12. júní kl 13.00.

Þér er boðið á fjarfund um efnahagsmál, ferðaþjónustu og hringrásarhagkerfið sem haldinn verður miðvikudaginn 26. maí kl. 9.00.

Miðvikudaginn 12. maí fór fram rafrænn aðalfundur Markaðsstofu Suðurlands.

Aðalfundur Markaðsstofu Suðurlands er samþykkur því að haldið sé áfram með þá vegferð að stofna Áfangastaðastofu Suðurlands sem samstarfsverkefni ferðaþjónustu, sveitarfélaga og ríkis á grunni Markaðsstofu Suðurlands.

Aðalfundur Markaðsstofu Suðurlands verður haldinn 12. maí kl 13:00 - 15:00.

13 og 14 apríl síðastliðinn stóð Íslandsstofa fyrir vinnustofu á Norður Ameríku markaði

Þórdís Kolbrún Reykfjörð Gylfadóttir ferðamálaráðherra kynnti í dag verkefnið Fyrirmyndaráfangastaðir og nýtt vörumerki þeirra. Fyrirmyndaráfangastaðir eru fjölsóttir áfangastaðir sem ferðamenn sækja allt árið um kring. Við umsjón þeirra er unnið að sjálfbærni á öllum sviðum, umhverfislegri, samfélagslegri og efnahagslegri. Fyrirmyndaáfangastaðir fá að merkja sig með vörumerkinu Varða - Merkisstaðir Íslands.

Síðasti morgunfundur Markaðsstofu Suðurlands í þessari seríu var haldinn þriðjudaginn 13. apríl. Þetta fundaform hefur gefist vel og því mun Markaðsstofan taka upp þráðinn aftur í haust og bjóða upp á rafræna morgunfundi í bland við fundi í raunheimum þegar rými gefst til þess.