Fréttir

Í lok september voru blaðamenn frá Bandaríkjunum í samstarfi við Íslandsstofu og MSS á ferðinni um Suðurland. Fjórir blaðamenn frá mismunandi miðlum komu í ferðina ásamt fulltrúa bandarísku almannatengslastofunnar sem Íslandsstofa er í samstarfi við. Farið var með blaðamennina um Suðurlandið og fengu þeir að kynnast náttúru, gistingu, afþreyingu, mat og menningu sem landshlutinn hefur upp á að bjóða.

Markaðsstofa Suðurlands tók þátt í ferðakaupstefnunni Vestnorden daganna 19. – 22. september s.l. Að þessu sinni fór kaupstefnan fram í Nuuk í Grænlandi en hún fer fram á Íslandi annað hvert ár og til skiptis í Færeyjum og Grænlandi þess á milli. Skráðir kaupendur voru rúmlega 150 og seljendur um 100. Sex sunnlensk fyrirtæki voru meðal sýnenda.

Opnað hefur verið fyrir umsóknir um styrki úr Framkvæmdasjóði ferðamannastaða vegna framkvæmda á árinu 2023. Umsóknarfrestur er til kl. 13 miðvikudaginn 5. október.

Á síðustu árum hefur orðið mikil aukning á göngum yfir Vatnajökul, á Hvannadalshnúk og aðra tinda í jöklinum. Samhliða þeirri aukningu hafa orðið útköll og næstum því slys þar sem viðbragðsaðilar hafa þurft að bregðast við, oft með miklum mannafla og skipulagi enda mjög krefjandi svæði þegar um björgunaraðgerðir er að ræða.

Þingvallaþjóðgarður er fyrstur áfangastaða á Íslandi sem fær viðkenningusem Varða. Vörður eru merkisstaðir á Íslandi sem teljast einstakir á lands- og/eða heimsvísu. Meginaðdráttarafl þeirra eru náttúrufyrirbæri og/eða menningarsögulegar minjar sem mynda sérstætt landslag eða landslagsheildir.

Talsverð uppbygging er framundan á áfangastöðum á Suðurlandi en úthlutað var úr Framkvæmdasjóð ferðamannastaða nú í maí þar sem 17 verkefni á Suðurlandi voru styrkt og nam heildarupphæðin 177.785.509 kr.

Árið 2020 opnuðu Markaðsstofur landshlutana (MAS) vefinn Upplifðu en vefurinn er ný tæknilausn sem nýtist sérstaklega einstaklingum í ferðahug og fyrirtækjum og sveitarfélögum svæðanna en ekki síst til aukinnar verðmætasköpunar innan ferðaþjónustu landshlutanna og fyrir frekari verkefni MAS.

Við hjá Markaðsstofu Suðurlands ætlum að fara af stað í herferð í vor og sumar. Herferðin er svipuð og sú sem við fórum í seinasta sumar og gengur út á örsögur á samfélagsmiðlum.

Ný herferð fyrir áfangastaðinn Ísland miðar að því að gera upplifun ferðamanna sem besta með því að minnka áreiti af vinnunni í fríinu.

Orkusjóður hefur auglýst styrki til uppsetningar á hleðslustöðvum við gististaði og fjölsótta ferðamannastaði.

Aðalfundur og árshátíð Markaðsstofu Suðurland var haldinn á Hótel Örk í Hveragerði fimmtudaginn 5. Maí s.l. Dagskráin var pökkuð frá morgni til kvölds sem hófst á aðalfundi um morguninn og endaði á árshátíð um kvöldið þar sem veittar voru viðkenningar fyrir sprota ársins og framlag til ferðaþjónustu.

Fimmtudaginn, 5. maí var haldinn aðalfundur, erindi og síðan árshátíð um kvöldið á Hótel Örk í Hveragerði.