Fréttir

Við höldum áfram með rafræna morgunfundir aðildarfyrirtækja Markaðsstofu Suðurlands, næsti fundur verður þriðjudaginn 23. mars kl 9.00. Að þessu sinni mun Laufey Guðmundsdóttir, verkefnastjóri hjá Markaðsstofu Suðurlands, fara yfir verkefnið Matarauður Suðurlands. Hvernig það var unnið og hvaða tækifæri sá grunnur sem dreginn var saman 2020 getur nýst mataráfangastaðnum Suðurlandi í aukinni upplifun og vöruþróun sem dæmi.

Í vikunni voru kunngerðar úthlutanir úr Framkvæmdarsjóð ferðamannastaða vegna 2021 og uppfærð aðgerðaráætlun Landsáætlunar um uppbyggingu innviða til verndar náttúru og menningarsögulegum minjum var kynnt. Framkvæmdarsjóður ferðamannastaða styrkti alls 53 verkefni víðsvegar um landið samtals að upphæð 807 milljónum. Af þessum verkefnum fóru 15 styrkir, alls að upphæð 231,37 milljónum, til verkefna á Suðurlandi sem framkvæmd verða á árinu 2021. Þess má geta að Sveitarfélagið Hornafjörður fékk hæsta styrkinn í þessari úthlutun, 97 milljónir, til að hanna og byggja upp göngu- og hjólastíg frá Svínafelli yfir í þjóðgarðinn í Skaftafelli sem tengir saman Svínafell, Freysnes, flugvöllinn við Skaftafell og Skaftafell. Þetta verkefni er liður í að byggja upp Jöklaleiðina sem er 200 km gönguleið sem liggur meðfram suðurbrún Vatnajökuls, frá Lónsöræfum í Skaftafell.

Þann 12. mars næstkomandi bjóða KPMG og SASS til gagnvirks fróðleiksfundar um COVID úrræði stjórnvalda.

Þriðji morgunfundur Markaðsstofu Suðurlands var haldinn í morgun þar sem við fengum félagana Guðmund Helga Harðarsson og Kjartan Ásbjörnsson hjá GK bakaríi á Selfossi til að segja okkur frá þeirra skapandi markaðssetningu og vöruþróun.

Upplýsingamiðlun er og ætti að vera hluti af viðbragðsáætlun fyrirtækja í ferðaþjónustu. Því er gott að vera með á hreinu hvað á að segja. Hægt er að nálgast talpunkta vegna jarðhræringa sem eru í gangi á Reykjanesinu hjá MSS þar sem almenn lykilskilaboð eru sett fram

Annar morgunfundur í morgunfundaröð Markaðsstofu Suðurlands var haldinn í morgun fyrir aðildarfyrirtæki Markaðsstofunnar. Í þetta sinn fengum við Laufeyju Sif Lárusardóttur eiganda Ölverks í Hveragerði til að tala um skapandi markaðssetningu og þeirra sögu. Markaðsstofan þakkar Laufeyju Sif kærlega fyrir erindið.

Þriðjudaginn 9. febrúar hélt Markaðsstofa Suðurlands rafrænan morgunfund í fundaseríunni Upplifun gestsins og skapandi markaðssetning. Á fundinum kynnt Nejra Mesetovic, verkefnastjóri Markaðsstofu Suðurlands, efni og niðurstöður lokaverkefnis síns í meistaranámi í markaðsfræðum.

Stefnt er að því að halda þrjá rafræna morgunfundi fyrir aðildarfyrirtæki Markaðsstofu Suðurlands, 9. febrúar, 23. febrúar og 9. mars, kl. 09.00. Efnistök fundanna verða: Upplifun gesta og skapandi markaðssetning.

Íslandsstofa kynnti nýja aðgerð í markaðsverkefninu Ísland – Saman í sókn með JOYSKROLL herferðinni. Hún gengur út á að dreifa gleði og jákvæðum straumum frá Íslandi á tímum þar sem mikið framboð er á neikvæðum fréttum

Á haustmánuðum hefur Markaðsstofa Suðurlands unnið að uppfærslu á Áfangastaðaáætlun Suðurlands. Uppfærslan verður byggð á þeim góða grunni sem unninn var 2017 en með speglun á því sem hefur verið gert síðustu þrjú ár ásamt þeirri stöðu sem er í dag. Uppfærð Áfangastaðaáætlun Suðurlands mun gilda frá 2021-2023.

Með því að bjóða landsmönnum upp á Gjafabréf íslenskrar ferðaþjónustu í aðdraganda jóla vilja Icelandair Group, Samtök ferðaþjónustunnar og Markaðsstofur landshlutanna vekja athygli á hversu öflug ferðaþjónusta er um land allt ásamt því að hvetja til innlendrar neyslu í ferðaþjónustu. Við sáum það á liðnu sumri að landsmenn voru duglegir að fara um landið okkar og upplifa það besta sem ferðaþjónusta hefur upp á að bjóða. Saman erum við sterkari og það er von okkar að Gjafabréf íslenskrar ferðaþjónustu eigi eftir að slá í gegn og verði jólagjöfin í ár hjá landsmönnum!

Ferðamálastofa birti nýverið niðurstöður úr könnuninni sem var gerð meðal fyrirtækja í haust en markmiðið með henni var að afla tölfræðilegra upplýsinga til að geta lagt mat á árangur ferðaþjónustufyrirtækja á nýliðnu sumri, mótvægisaðgerðir sem fyrirtæki hafa gripið til vegna ástandsins sem skapast hefur vegna Covid-19, hvernig úrræði stjórnvalda hafa nýst og horfunar framundan.